Ahmeti: Këta dy persona brenda VV-së janë të rrezikshëm

Kryetari i Prishtinës, Shpend Ahmeti, i ka klasifikuar kategoritë brenda VV’së. Ahmeti filloi duke përmendur filozofët e Shqipërisë brenda VV’së, Elvis Hoxhaj e Hysamedin Feraj, ku për të cilët tha se bazën filozofike e kanë goxha të rrezikshme.

Sipas Ahmetit, këta dy filozofë kanë janë gati në kufirin e fashizmit në disa aspekte.

“Aty (në VV) ka hegelian, marksist, dialektika… e deri tek filozofët e Shqipërisë që nuk janë bash të majtë sipas meje, Elvisi e Samedini, sepse bazën filozofike e kanë goxha të rrezikshme. Për të mos qenë shumë i rëndë – Ata janë gati në kufirin e fashizmit në disa gjëra”, është shprehur Ahmeti.

Tutje, sipas Ahmetit në Vetëvendosje ekziston një bazë filozofike e marksizmit.

“S’po dua me hi në filozofi, por aty ekziston një bazë filozofike që është e marksizmit. Mandej i ke nacionalistet e bashkimit kombëtar të cilët janë LKQK, OMLK, LPK… d.m.th. ata që vijnë nga fryma e bashkimit kombëtar, që janë të majtë”, ka thënë Ahmeti.

Dhe krejt në fund gjen persona që kanë socialdemokratë të ri që kanë kryer shkolla dhe duan të jenë aktivistë politikë.

“Mandej i ke intelektualët e rinj, socialdemokratët të ri që kanë krye shkolla e magjistratura.. e i ke edhe do të rinj që duan të jenë aktivistë”, shtoi Ahmeti.

Leave a Reply

Your email address will not be published. Required fields are marked *